Associated Press-in məlumatına görə, Səudiyyə Ərəbistanının hücuma məruz qalan mühüm East-West neft kəmərinin böyük hissəsinin həftələrlə fəaliyyət göstərməyəcəyi gözlənilir.
Kəmərin zədələnməsi Səudiyyə Ərəbistanının nefti Hörmüz boğazından yan keçərək Qırmızı dənizə çıxarması imkanlarını məhdudlaşdırır. AP qeyd edir ki, bu kəmər gündəlik 2,6–4 milyon barrel neft daşıya bilir. Bu isə qlobal neft tədarükünün 4%-ə qədərinə bərabərdir.
Kəmərin bağlanması artıq neft qiymətlərinə təsir göstərib. Brent nefti 105 dollardan yuxarı qalxıb.
Problem yalnız neftlə məhdudlaşmır. Enerji daşıyıcılarının bahalaşması nəqliyyat və kənd təsərrüfatından tutmuş gündəlik istehlak mallarına qədər daha geniş sahələrdə qiymət təzyiqini artıra bilər.
AP-nin yazdığına görə, alternativ marşrutların imkanları məhduddur. Hörmüz boğazından keçidlərin qismən bərpa olunmasına baxmayaraq, bölgədə vəziyyət hələ də ciddi şəkildə məhduddur.
S.Abdulla
