Gürcüstanın sabiq prezidenti Mixeil Saakaşvili ABŞ-ın vitse-prezidenti Vensə müraciət edib.
AzPost bildirir ki, sabiq dövlət başçısı Gürcüstanda həbsdə olan siyasi məhbusların azad olunması üçün kömək istəyib.
Saakaşvili deyib ki, bir neçə il əvvəl oxuduğu “Dağlıq Elegiyası” kitabından dərin təsirlənib və Vensin böyük pərəstişkardır: “Münhen Təhlükəsizlik Konfransında müxalifət liderlərinin həbs edilməməli olduğunu vurğuladığınızı eşidəndə dərhal düşündüm ki, mənim və Gürcüstanda həbsdə olan və ya məhkəmə qarşısında olan hər bir müxalifət lideri üçün ümid var”-deyə o bildirib.
Saakaşvili hazırkı hakimiyyətin Gürcüstanı qonşularından və dünyanın qalan hissəsindən təcrid etməkdə ittiham edib. O, Facebook paylaşımına görə, həbs cəzası aldığını bəyan edib. “Oliqarx İvanaşvilinin prokurorları bunu 2024-cü il seçkilərinin saxtalaşdırılmasından sonra zorakılığa təhrik kimi qiymətləndirirlər”.
“Cənab vitse-prezident, siz Cənubi Qafqazın üç dövlətindən ikisinə səfər edirsiniz. Üçüncü ölkə olan Gürcüstan bütün regionun mübahisəsiz lideri idi. Əlbəttə ki, biz Ermənistan və Azərbaycanın əldə etdiyi irəliləyişlərə heyranıq.
2012-ci ildə Donald Tramp sahil şəhərimiz Batumidə olarkən haqqımızda demişdi: “Bu adam inanılmaz bir iş gördü və biz onun beyin gücündən böyük ölkəmizdə istifadə edə bilərik.”-deyə Saakaşvili vurğulayıb.
“Cənab vitse-prezident, administrasiyanız Belarusdakı siyasi məhbusları azad etdikdən sonra Gürcüstandakı biz siyasi məhbuslar ümid qazandıq. Sizdən vəziyyətimizə diqqət yetirməyinizi və Gürcüstan demokratiyasına kömək etməyinizi xahiş etmək istərdim”.
