Addım
Tədqiqatçılar sübut ediblər ki, gündə on min addım atmaq lazım deyil.
AzPost bildirir ki, “The Lancet” jurnalında tədqiqatçıların gündəlik addım sayının müxtəlif xəstəliklər və ölüm riskini necə azalda biləcəyinə dair araşdırma nəşr ediblər.
Bu araşdırmada ən əsası əslində gündə nə qədər gəzmək lazım olduğu qeyd olunur.
Bu barədə The Guardian yazır.
Yəqin ki, gündə ən azı 10.000 addım atmağın sağlamlığınız üçün faydalı olduğunu eşitmisiniz. Lakin bu rəqəm elmi cəhətdən sübut olunmadığı üçün tez-tez tənqid olunur. Alimlər 160 000-dən çox böyüklərin məlumatlarını təhlil edərək müəyyən ediblər ki, gündə cəmi 7 000 addım bəzi ciddi və ölümcül xəstəliklərin inkişaf riskini azalda bilər.
Gündə 2000 addım gedənlərlə müqayisədə gündə 7000 addım gedənlərin xərçəngdən ölmə riski 37%, 2-ci tip diabet riski 14%, demanasiya riski 38%, depressiya riski 22% və yıxılma riski 28% daha azdır.
Ürək-damar xəstəlikləri riski də 25%, ümumi ölüm riski isə 47% azalıb.
Tədqiqatçıların əldə etdiyi məlumatlara görə, hər əlavə min addım fayda gətirir: hətta gündə 4 min addım xəstəlik riskini azaldır. 7 mindən sonra risk də azalmağa davam edir, lakin eniş sürəti yavaşlayır.
Optimal risk səviyyəsinə çatmaq üçün elm adamları gündə 5-7 min addım atmağı hədəfləyirlər. Tədqiqatçılar vurğulayırlar ki, addımların sayı əslində məşqin keyfiyyətini və ya intensivliyini əks etdirmir, lakin nəticələr aktiv həyat tərzinin vacibliyini vurğulayır.
Sidney Universitetinin professoru və araşdırmanın aparıcı müəllifi Melodi Dinq deyir: “Artıq aktiv olan və gündə 10 min addım atanlar, eyni ruhda davam edənlər üçün heç nəyi dəyişməyə ehtiyac yoxdur. Ancaq hələ bu məqsəddən uzaq olanlar üçün gündə 7000 addım atmaq, demək olar ki, bizim öyrəndiyimiz sağlamlıq faydalarını gətirir”.
Britaniya Ürək Fondunun baş kardioloq tibb bacısı Cun Devison deyir ki, müntəzəm gəzinti sağlam həyat tərzini saxlamaq və ürək xəstəliyi riskinizi azaltmaq üçün ən asan yollardan biridir. O deyir ki, böyüklər həftədə 150 dəqiqə orta fiziki fəaliyyətlə məşğul olmağı hədəfləməlidirlər.
Devison aktiv olmağın həmişə asan olmadığını etiraf edib və təkliflərni yazıb: “Gündəlik həyatınıza aktivlik daxil etmək – məsələn, telefon danışığı zamanı gəzinti və ya nahar fasiləsi zamanı on dəqiqəlik sürətli gəzinti kimi – ürək xəstəliyi riskinizi azaltmağa kömək edə bilər.”
