Seul şəhərinin meri itkin düşüb

09 İyul 2020 - 15:33

Cənubi Koreyanın paytaxtı Seul şəhərinin meri Pak Von Sun itkin düşüb.

APA-nın xəbərinə görə, bu barədə “Younhap” agentliyi məlumat yayıb.

Bildirilib ki, Cənubi Koreya polisi paytaxt merinin axtarışına başlayıb. 

Qeyd olunub ki, merin itkin düşməsi barədə polisə onun qızı məlumat verib. Pak Von Sunun qızı bildirib ki, atası 4-5 saat əvvəl evdən çıxıb.

Bununla yanaşı, paytaxt meri vəsiyyətə bənzər sözlər yazıb, telefonu isə söndürülüb. 

Polis pilotsuz uçuş aparatları və təlim itlərinin iştirakı ilə genişmiqyaslı axtarış aparır.