“Şirvan Regional Qeyri-Hökumət Təşkilatlarının Resurs və Təlim” ictimai birliyinin Azərbaycan Respublikasının Qeyri Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirdiyi “İctimai nəzarət mexanizmlərinin monitorinqı” adlı layihə çərçivəsində növbəti seminar Şirvan şəhər Mərkəzi Xəstəxanasının zalında təşkil edilmişdir.
Seminarda səhiyyə işçiləri, o cümlədən Baş həkimin müavini Qalib Mirzəyev iştirak etmişlər. Seminarı ekspert Əli Mirzəyev aparmışdır. Tədbirdə iştirakçıların diqqətinə təqdimat çatdırılmışdır. Təqdimatda “ictimai nəzarət” anlayışı, ictimai nəzarətin qanunvericilik bazası, Azərbaycan Respublikası Prezidentinin ictimai nəzarətin vacibliyi barədə söylədiyi fikirlər, Qeyri Hökumət Təşkilatlarının, Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin bu sahədə rolu və s. barədə məlumatlar verildi.
Müzakirələrdə Qalib Mirzəyev ictimai nəzarətin vacibliyi barədə fikirlərini bildirdi, Samirə Quliyeva, Eyyub Qubadov və başqaları aktiv iştirak etmişlər. Bibixanım Həsənova Su-Kanalizasiya İdarəsinin işindən şikayət etdi. O, qeyd etdi ki, qonşularının hamısına su xətti çəkilib, amma bizim məhəlləyə çəkməyiblər. Dəfələrlə müraciət etməyimizə baxmayaraq hələ də problem həll olunmayıb
Çay fasiləsi zamanı müzakirələr davam etdirildi.
