Son sutkada virusa yoluxanların sayı açıqlandı

03 İyul 2021 - 16:53

Azərbaycan Respublikasında koronavirus (COVID-19) infeksiyasına 95 yeni yoluxma faktı qeydə alınıb, 42 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, son sutka ərzində koronavirusdan ölüm qeydə alınmayıb.

İndiyədək ölkədə ümumilikdə 336318 nəfərin koronavirus infeksiyasına yoluxması faktı müəyyən edilib, onlardan 330380 nəfər müalicə olunaraq sağalıb, 4977 nəfər vəfat edib, aktiv xəstə sayı 961 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 10428, ötən müddət ərzində isə ümumilikdə 3778410 test aparılıb