1941-ci ildən itkin düşmüş sovet sualtı qayığı Yapon dənizində tapılıb. Sakit Okean Donanmasının dənizçiləri 20 illik axtarışlardan sonra nəhayət ki, Böyük Pyotr körfəzində Böyük Vətən Müharibəsinin ilk həftələrində yoxa çıxan və “Körpə” ləqəbli sualtı qayığı tapa bildilər. AzPost xəbər verir ki, bu barədə Sakit Okean Donanmasının nümayəndələri məlumat veriblər.
“Sakit Okean Donanmasının veteran sualtı təşkilatlarının fəal dəstəyi ilə apardığı uzun axtarışlar nəticəsində Böyük Pyotr körfəzində Böyük Vətən Müharibəsi illərində batan “Malyutka” tipli sualtı qayıq aşkar edilib.
İlkin məlumatlara görə, tapılan gəmi 1941-ci il avqustun 16-da radarlardan itən və əlaqəni dayandıran dizel M-49 sualtı qayığıdır. Sualtı qayığın bütün heyəti, 22 nəfər həlak olub.
Batmış qayığın yerini xilasetmə gəmisi İqor Belousov komandası müəyyən edib. Tapıntı uzaqdan idarə olunan maşınlar vasitəsilə yoxlanılıb. Dənizçilərin sözlərinə görə, bu gəmi hər cəhətdən M-49 Malyutka sualtı qayığı üçün uyğundur.
M-63 kod adlı daha bir belə sualtı qayığın axtarışları davam edir. Onun ekipajı 49-cu ilə eyni dövrdə əlaqəni itirdi. Hər iki sualtı qayıq Yapon dənizində döyüş tapşırığı yerinə yetirirdi.
