Gədəbəy rayonunun Söyüdlü kəndinə kənd sakinlərindən başqa şəxslərin girişi məhdudlaşdırılıb.
Azpost.info bildirir ki, bu barədə sosial şəbəkədə məlumat yayılıb.
Qeyd olunur ki, kəndə yalnız pasport qeydiyyatında olanlar buraxılır.
DİN-in Mətbuat xidmətinin Gəncə regional qrupunun baş inspektoru, polis kapitanı Eşqin Qasımov “Qafqazinfo”ya məlumatı təsdiq edib.
O qeyd edib ki, hazırda sakinləri narahat edən məsələlər araşdırılır: “Həmçinin ictimai qaydanın və ictimai təhlükəsizliyin təmin edilməsi məqsədilə sakinlərdən başqa şəxslərin kəndə girişi məhdudlaşdırılıb”.
Qeyd edək ki, Söyüdlü kəndində vəziyyətin araşdırılması üçün Baş nazirin Sərəncamı ilə komissiya yaradılıb.
