Təmizlik
“Təmizlik_Cleopatra” adlı təmizlik şirkətinin xidməti sosial şəbəkələrdə müzakirəyə səbəb olub. AzPost xəbər verir ki, vətəndaş Günay Babayeva şirkətin dərin təmizlik xidməti ilə bağlı ciddi narazılığını paylaşıb.
Onun sözlərinə görə, çağırılan əməkdaşlar işi səthi şəkildə yerinə yetirib və prosesi yarımçıq vəziyyətdə tərk ediblər. “Guya təhvil-təslim edirlər, amma maşınları gələn kimi tələsik çıxıb getdilər. İşi sizə mən təhvil verəcəm deyən ‘müəllim’ isə ümumiyyətlə gəlmədi,” – deyə şikayətçi bildirib.
Babayeva əlavə edib ki, təmizliyi bitdikdən sonra yemək bişirmədiyi qaz sobasında belə yağ ləkələrini özü silib: “Ya gərək uşaq kimi başlarının üstündə durasan, ya da bir saat əlavə saxlayıb dedikləri adamı dəvət edib hər küncə bir-bir baxasan. Mənim isə körpə uşağım var, buna vaxtım yoxdur.”
Şikayətçi qeyd edib ki, işçilər irad bildirildikdə kobud cavablar veriblər: “Təmiz görmədiyim yeri göstərəndə işçi xanım ‘nə olub ki, təmizlədim də’ deyib məni kor yerinə qoyurdu.”
Günay Babayeva bildirib ki, şirkət səhifəsində yalnız müsbət rəylər paylaşılır və mənfi rəy yazanlar dərhal bloklanır: “Mən iradımı WhatsApp-da da yazdım, amma orada da qorxaq kimi blok atdılar. Adam kişi kimi pul qazanmalıdır!”
