Tbilisinin mərkəzində Gürcüstan hakimiyyətini Rusiyaya birbaşa uçuşlardan imtina etməyə çağıran etiraz aksiyası keçirilir.
Azpost.info xəbər verir ki, hökumət binası yaxınlığında keçirilən aksiyanı müxalif “Avropa Gürcüstanı” partiyası təşkil edib.
Etirazçılar simvolik olaraq üzərində təyyarə şəkli və rus dilində “Tbilisi – Moskva” yazısı olan biletlər çap ediblər.
Təşkilatçılarının sözlərinə görə, hakimiyyət bu biletlərdən Rusiyaya uçmaq və orada qalmaq üçün istifadə edə bilər.
Avropa İttifaqı bugünkü açıqlamasında Gürcüstanın Rusiya ilə birbaşa uçuşları bərpa etmək qərarından məyus olduğunu bildirib. Aİ-nin Xarici İşlər Xidmətinin sözçüsü Peter Stano bildirib ki, bu cür addımlar Gürcüstanın Avropa yolu ilə bağlı narahatlıq doğurur.
Azpost.info
