Tbilisinin mərkəzində keçirilən etiraz aksiyası başa çatıb.
Azpost.info xəbər verir ki, mərkəzi Rustaveli prospektində nəqliyyatın hərəkəti bərpa edilib.
“Hüquq-mühafizə orqanları, xüsusi təyinatlılar ərazini tərk edir, su şırnaqları götürülür. Mitinq iştirakçıları da parlamentin ətrafındakı ərazini tərk edirlər. Əraziyə kommunal xidmətin əməkdaşları gəlib və orada təmizlik işləri aparırlar”, – məlumatda deyilir.
O da bildirilir ki, aksiya iştirakçıları parlamentin yaxınlığındakı ərazini tərk etməzdən əvvəl çıxışlarını martın 8-də davam etdirəcəklərinə söz veriblər.
Xarici agentlər haqqında qanuna etiraz edən Tbilisi sakinləri martın 7-də şəhərin mərkəzində parlamentin girişindəki dəmir baryerləri yararaq binanın həyətinə daxil olmağa cəhd ediblər.
Azpost.info
