ABŞ Prezidenti Donald Tramp İranla qarşıdurma zamanı 16-18 nəfər itki verdiklərini açıqlayıb.
Tramp bildirib ki, ABŞ-nin dəstəyi olmasaydı, İsrail bu gün mövcud olmayacaqdı.
“Mən olmasaydım, bu gün İsrail mövcud olmazdı. O, ümumiyyətlə, mövcud olmazdı”, – deyə ABŞ prezidenti vurğulayıb.
Tramp həmçinin iddia edib ki, İran nüvə silahı əldə etməyə çox yaxın idi.
“İran nüvə silahına sahib olmağa cəmi iki həftə qalmışdı”, – deyə o qeyd edib.
ABŞ prezidenti bu açıqlamaları İranla son hərbi qarşıdurma və Yaxın Şərqdəki təhlükəsizlik vəziyyətini şərh edərkən səsləndirib.
