ABŞ-ın yeni seçilmiş prezidenti Donald Tramp ölkənin Şimali Atlantika Alyansından çıxma ehtimalını istisna etməyib.
APA xəbər verir ki, o, bu barədə NBC News-a müsahibəsində bildirib.
Tramp ABŞ-ın NATO-da üzvlüyünü saxlamaqla bağlı suala belə cavab verib: “Əgər onlar hesablarını ödəsələr, təbii ki, üzvlülük saxlanılacaq”.
O vurğulayıb ki, müttəfiqlərin maliyyə öhdəliklərini yerinə yetirməsi Vaşinqtonun alyansda davamlı iştirakının əsas şərti olacaq.
Qeyd edək ki, Tramp 2025-ci il yanvarın 20-də prezident kimi fəaliyyətə başlayacaq.
