ABŞ prezidenti Donald Tramp uzun illərdir ki, ürək sağlamlığı üçün aspirin qəbul edir, lakin onun seçdiyi doz həkimləri təəccübləndirir. Tramp gündəlik tövsiyə olunan 81 mq əvəzinə 325 mq aspirin qəbul edir və bunu qanı durulamaq üçün etdiyini açıqlayıb. AzPost RBC-Ukrayna-ya istinadla xəbər verir ki, həkim-terapevt, tibb elmləri namizədi Natalya Suslova bildirib ki, bu doz riskləri artırır və belə istifadəyə yalnız xüsusi hallarda icazə verilir.
Ekspert izah edir ki, normal şəraitdə aspirin yalnız yüksək risk qruplarına, məsələn, diabet və ya əvvəllər infarkt və ya insult keçirmiş xəstələrə məsləhət görülür. Ümumi populasiya üçün isə aspirin qəbulunun yan təsirləri, xüsusilə qanaxma riski, onun faydalarından daha çox ola bilər.
Həkim əlavə edib ki, hazırda 75–100 mq doz kifayət edir və bu, təhlükəsizlik və effektivlik baxımından optimaldır. Daha yüksək dozalar yalnız xüsusi tibbi göstərişlə və nəzarət altında istifadə edilməlidir. Suslova qeyd edib ki, 70 yaşdan yuxarı şəxslərə, xüsusilə qanaxma riski yüksək olanlara aspirin ümumiyyətlə tövsiyə olunmur.
Trampın sağlamlığı barədə məlumata görə, 79 yaşlı prezidentin fizioloji vəziyyəti kifayət qədər yaxşıdır, lakin həkimlər onun qrup riskinə aid olub-olmadığını dəqiq bilmir. Prezident özü idmanla məşğul olmadığını etiraf edib və yüksək dozada aspirin qəbulunun səbəbini, dərman səbəbiylə əllərində yaranan göyərmələri gizlətmək üçün istifadə etdiyi xüsusi makiyajla izah edib.
