ABŞ prezidenti Tramp Avropanı Putin qarşısında təhlükəyə atıb.
AzPost bildirir ki, bu barədə “The Telegraph” nəşrinin analitiki Roland Olifant bildirib.
Onun sözlərinə görə, Rusiya qitənin ən azı bir hissəsi üzərində öz təsirini bərpa etmək üçün “yeni Avropa təhlükəsizlik arxitekturası” qurmağa və “soyuq müharibə”dən sonra əldə edilmiş razılaşmaları dəyişdirməyə çalışır.
Olifant hesab edir ki, son üç həftə ərzində Rusiya NATO-nun müdafiəyə hazırlığını yoxlayır. Burada alyans ən yaxşı performansını göstərməyib.
Eyni zamanda, ekspert yazır ki, Moskva mhz indi NATO-nu sınaqdan keçirməyə başlayıb, çünki ABŞ diqqətini xarici siyasətdən daxili məsələlərə yönəldib.
