“İki tərəf arasında danışıqlar uğursuz olarsa Vaşinqton hərbi əməliyyatlar da daxil olmaqla, İranla bağlı müxtəlif variantları nəzərdən keçirir“.
Azpost.info-nun məlumatına görə, bu barədə ABŞ prezidenti Donald Tramp bildirib.
“Financial Times” qəzetinə verdiyi müsahibədə Tramp İrana Amerika xüsusi təyinatlı qüvvələrinin yerləşdirilməsi ehtimalını qaldırıb: “İki variant var. Ya İran ərazisinə daxil olub əvvəllər hərbi yolla öhdəsindən gələ bilmədiyimiz şeylərlə məşğul olacağıq, ya da sadəcə İranın blokadasını davam etdirəcəyik. Çünki məlum olduğu kimi, bu, istənilən hərbi hücumdan daha güclüdür”, – deyə Amerika lideri bildirib.
Eyni zamanda Tramp İsrail və İran arasında gərginliyin artmasının Vaşinqton və Tehran arasındakı danışıqları pozmayacağına əminliyini ifadə edib: “Bu, razılaşmaya heç bir şəkildə təsir etməyəcək. Düşünürəm ki, razılaşma baş tutacaq. Görək bundan sonra nə olacaq”, – deyə ABŞ prezidenti bildirib.
Trampın sözlərinə görə, regionda artan gərginliyə baxmayaraq, ABŞ və İran arasında diplomatik təmaslar davam edir və razılaşma əldə etmək ehtimalı qalır.
