UEFA “Drita”ya Çempionlar Liqasında texniki məğlubiyyət verib

UEFA Çempionlar Liqasının ilkin təsnifat mərhələsinin final oyunu ilə bağlı qərarını açıqlayıb.

Apasport.az saytının məlumatına görə, qitə futbol qurumu futbolçusu koronavirusa yoluxduğu üçün “Linfild”lə (Şimali İrlandiya) matça çıxa bilməyən “Drita”ya (Kosovo) texniki məğlubiyyət verib.

Hələ avqustun 7-də “Drita”da bir oyunçunun testinin cavabı pozitiv çıxmışdı. “Linfild”lə qarşılaşma öncəsi isə daha bir oyunçunun virusa yoluxduğu müəyyənləşdiyindən, qarşılaşma təxirə salınmışdı. UEFA İsveçrənin səhiyyə xidməti ilə birlikdə Kosovo təmsilçisini bütün komanda şəklində karantinə almaq qərarına gəlib.

Bu isə o deməkdir ki, “Linfild” I təsnifat mərhələsinə adlayıb və orada Varşava “Legiya”sına (Polşa) rəqib olub.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

“Mən istintaqa çağırılmamışam” –

Sonrakı məqalə

Bu gün II və III ixtisas qrupları üzrə qəbul imtahanı keçirilir –