“Ukrayna tərəfi İstanbulda əldə olunan razılaşmalardan uzaqlaşıb və danışıqları dalana dirəyib”.
Azpost.info xəbər verir ki, Rusiya prezidenti Vladimir Putin bunu “Vostoçnıy” kosmodromunda Belarus lideri Aleksandr Lukaşenko ilə birgə mətbuat konfransında deyib.
Putin bildirib ki, Rusiya və Ukrayna nümayəndə heyətləri martın 29-da İstanbulda “Dolmabağça” sarayında baş tutan təkbətək görüşdə müəyyən səviyyədə razılıq əldə etmişdilər: “Bunlar Ukrayna üçün təhlükəsizlik zəmanətlərinin Krım, Sevastopol və Donbas ərazilərinə şamil olunmayacağından ibarət idi. Sonra, gördüyünüz kimi, müqavilə prosesinin davam etdirilməsinə şərait yaratmaq üçün hərəkətlərimiz davam etdi. Əvəzində biz Buçada təxribatla üzləşdik və ən əsası Ukrayna tərəfi İstanbulda əldə etdiyi razılaşmalardan kənarlaşdı”. Azpost.info
