Ukrayna Ali Radasının keçmiş spikeri Andriy Parubinin qətlində şübhəli bilinən şəxs saxlanılıb.
AzPost bildirir ki, bu barədə Ukrayna prezidenti Vladimir Zelenski bildirib. Bu məlumatı ona Ukraynanın daxili işlər naziri İqor Klimenko və Ukrayna Təhlükəsizlik Xidmətinin rəhbəri Vasil Malyuk verib.
Bu arada SBU Telegram-da məlumat verib ki, həmin şəxs SBU, Milli Polis və Baş Prokurorluğun iştirakı ilə Xmelnitski vilayətində saxlanılıb. “Cinayətin açılması və saxlanması Ukrayna prezidenti Vladimir Zelenskinin şəxsi nəzarəti altında olub”, – postda deyilir.
Andriy Parubinin qatilinin saxlanmasının ilk fotoları da yayılıb. Polis onu 36 saat ərzində tapdığını bildirib. DİN -in açıqlamasında inayətin təsadüfi olmadığı, orada rus izinin olduğu qeyd edilir.
Avqustun 30-da Lvovun Sıxov rayonunda o, kuryer libasına girərək siyasətçiyə 8 dəfə atəş açıb.
Sonra izlərini gizlətməyə çalışıb. Paltarını dəyişib, silahı atıb, Xmelnitski vilayətində gizlənməyə çalışıb.
