Böyük Britaniyanın krallıq ailəsi üzrə ekspert Tom Sayks 1997-ci ildə baş verən şahzadə Diananın ölümündə Böyük Britaniyanın xüsusi xidmət orqanlarının iştirakını irəli sürüb. AzPost xəbər verir ki, bu versiya The Daily Beast nəşrində yayımlanan yeni jurnalistik araşdırmaya əsaslanır.
Xatırladaq ki, 31 avqust 1997-ci ildə şahzadə Diana və onun yoldaşı Dodi Əl-Fayed Paris tunelində baş verən avtomobil qəzasında həlak olub. Rəsmi versiyaya görə, avtomobil yüksək sürətlə paparatsilardan qaçarkən sürücü idarəni itirib və körpü dayağına çırpılıb.
Sayks rəsmi versiyada bir sıra uyğunsuzluqlar gördüyünü bildirir. Onun diqqətini çəkən məqamlar arasında sürücünün qanında anormal dərəcədə yüksək karbonmonoksid səviyyəsi, hadisə yerində işləyən kameraların olmaması və şahzadənin bədəninin təcili balsamlanması halları var.
Ekspert əlavə edir ki, qəza zamanı Fiat Uno avtomobili Diana və Dodiyə çırpılıb. Rəsmi məlumatlara görə, avtomobili fotoqraf Ceyms Endenson idarə edirmiş, lakin onun 2000-ci ildə vəfat etməsi səbəbindən bu faktı təsdiqləmək mümkün deyil. Sayks iddia edir ki, avtomobilin sükanı arxasında Böyük Britaniyanın xüsusi xidmət əməkdaşı ola bilərdi.
Sayks həmçinin mümkün sifarişçilərlə bağlı fərqli versiyalar olduğunu bildirir. O, krallıq ailəsi ilə razılaşdırılmadan, Diana-nı monarxiya üçün təhlükə hesab edən xüsusi xidmət əməkdaşları tərəfindən həyata keçirilmiş ssenariyə üstünlük verir.
Ötən il Londonda şahzadə Diananın ailəsinin əvvəlki rezidensiyası satılıb. Robb Report-a görə, malikanə 14,2 milyon dollara bilinməyən şəxsə satılıb və satış elan edildikdən iki həftə sonra yeni sahibini tapıb.
