2022-ci ildə Ukrayna silah idxalına görə Qətər və Hindistandan sonra dünyada üçüncü yeri tutub.
Azpost.info xəbər verir ki, bu barədə Stokholm Beynəlxalq Sülh Araşdırmaları İnstitutunun (SIPRI) illik hesabatında deyilir.
Hesabata əsasən, Kiyevin ən böyük tədarükçüləri ABŞ (34 faiz), Polşa (17 faiz) və Almaniya (11 faiz) olub.
O da qeyd olunur ki, Rusiyanın hərbi müdaxiləsindən sonra ABŞ Ukraynaya silah tədarükünü artırsa da, Kiyev bu baxımdan hələ də Küveyt, Səudiyyə Ərəbistanı, Qətər və Yaponiyadan geri qalır. Səbəb ABŞ-ın bu ölkələrə daha təkmil və bahalı silahlar, o cümlədən döyüş təyyarələri və hava hücumundan müdafiə sistemləri ötürməsidir.
Ukraynaya əsasən Pentaqonun anbarlarındakı daha köhnə silahlar göndərilib.
Azpost.info