Bu gün Ukraynada Fransanın BFM kanalının əməkdaşı Frederik Lekler-İmhof qaçqınlar olan avtobusunun atəşə tutulması zamanı həlak olub.
Azpost.info xəbər verir ki, Fransa prezidenti Emmanuel Makron məlumatı təsdiqləyib. “Jurnalist Frederik Lekler-İmhof müharibənin reallığını göstərmək üçün Ukraynada idi. Humanitar yardım aparan avtobusda o, rus bombalarından qaçmağa məcbur edilən dinc sakinlərlə birlikdə ölümcül yaralanıb. Frederik Lekler-İmhofun ailəsinə, yaxınlarına və həmkarlarına başsağlığı verirəm. Fransa hökumətinin müharibə meydanlarında çətin jurnalist missiyasını yerinə yetirənlərə qeyd-şərtsiz dəstəyini bir daha təsdiqləmək istərdim”, – Makron “Tvitter” hesabında yazıb.
32 yaşlı fransalı jurnalist Ukraynanın şərqindəki Luqansk vilayətində mülki əhalinin təxliyəsini işıqlandırarkən boyun nahiyəsindən aldığı ölümcül yaradan yerindəcə keçinib.
Azpost.info
