Belarus lideri Aleksandr Lukaşenko Rusiya Prezidenti Vladimir Putinin Ukrayna dövlət başçısı Vladimir Zelenskiyə tam məqbul sayıla biləcək sülh variantı təklif etdiyini bildirib.
Azpost.info BelTA-ya istinadən xəbər verir ki, Lukaşenko bu barədə Yaponiyanın TBS kanalına müsahibəsində deyib.
Lukaşenko Ukraynada hərbi əməliyyatın tezliklə başa çatacağına inandığını deyib. Onun sözlərinə görə, Kiyev Moskva ilə saziş imzalamasa sonradan təslimçilik aktına imza atmalı olacaq: “Mən əminəm ki, yaxın zamanda bu münaqişə sülhlə başa çatacaq”.
“Sizə deyim ki, Putin Zelenskiyə sazişin tamamilə məqbul variant təklif edir. Bu gün Rusiya və Ukraynanın razılığa gəlməsi mümkündür. Əgər Zelenski buna getməsə, inanın, bir müddət sonra o təslim aktını imzalamalı olacaq”-deyə Lukaşenko bildirib.