“Rusiya Ukraynada qalib gəlsə, ərazi ambisiyalarından imtina etməyəcək”.
Azpost.info xəbər verir ki, bunu Fransa prezidenti Emmanuel Makron deyib.
“Rusiya ekspansiyaya can atan bir gücə çevrilib, bununla da dayanmayacaq. Əgər biz Ukraynanı tərk etsək, onun bu müharibədə uduzmasına imkan versək, o zaman Rusiya, şübhəsiz ki, Moldovanı, Rumıniyanı, Polşanı təhdid edəcək”, – Makron bildirib.
O qeyd edib ki, son illərdə Putinlə digər böyük liderlərdən daha çox danışıb, lakin Rusiya liderinə etibar etmək olmaz.
Fransa prezidenti müharibə bitdikdən sonra danışıqlara ehtiyac olduğunu etiraf edib, lakin sülhün Ukraynanın kapitulyasiyası demək olmadığını bildirib: “Sülh istəmək Ukraynanın uduzmasını istəmək və ya itirməsinə imkan vermək demək deyil”.
Azpost.info
