Ötən həftə Britaniyanın müdafiə naziri Ben Uollesə zəng vuraraq özünü Ukrayna Baş naziri Denis Şmıqal kimi təqdim edən Rusiyalı prankerlər Vladimir Kuznetsov (Vovan) və Aleksey Stolyarov (Leksus) bu gün telefon danışıqlarının bir hissəsini YouTube-də paylaşıblar.
Azpost.info bildirir ki, prankerlər nazirlə Ukraynada nüvə silahı ilə bağlı danışmağa cəhd ediblər.
Britaniyalı nazirlər danışan deyir ki, Rusiyadan qorunmaq üçün nüvə proqamının davam etdirmək barədə danışmaq istərdi. “Bu sadə məsələ deyil, amma biz ciddi olaraq bu barədə düşünmüşük”-deyə pranker bildirir.
Britaniyanın müdafiə naziri cavabında deyir ki, bu addım qətiyyən Rusiyanın xoşuna gəlməyəcək. Özünü Ukraynanın Baş naziri kimi təqdim edən şəxs onunla razılaşır. “Əlbəttə, biz bunu anlayırıq. Amma bu bizi maraqlandıran məsələlərdən biridir. Yaxşı olardı ki, bu məsələdə bizə yardım edəsiniz. Bu, bizim üçün çox mühümdür”- deyə saxta “Baş nazir” deyir.
Uolles isə deyir ki, belə bir mühüm məsələni Baş nazirlə müzakirə etməlidir. “Prinsip olaraq biz Ukraynanı dost olaraq istənilən seçimini dəstəkləyəcəyik”-deyə müdafiə naziri bildirib.
Bu günlərdə Uolles açıqlama verərək bəyan edib ki, özünü Ukraynanın Baş naziri kimi qələmə verən şəxs onunla danışmağa cəhd edib. İngilis KİV-lərinin məlumatına görə, danışıqlar 10 dəqiqə davam edib.
