“Vaksin millətçiliyi böyük səhvdir” –BMT-nin Baş katibi narazılığını bəyan edib

“Bəzi ölkələrin hələ də koronavirus peyvəndinin bir dozasını qəbul etmədiyi bir vaxtda, zəngin ölkələr aktiv şəkildə öz əhalisini vaksinasiya edir”.

TASS-ın verdiyi xəbərə görə, bunu BMT-nin Baş katibi Antonio Quterreş Moskvaya səfəri öncəsi Rusiya mediasına müsahibəsində deyib.

O bildirib ki, hazırkı dövrdə vaksin millətçiliyinin aparılması böyük səhvdir: “Mən hazırkı vəziyyətlə bağlı çox narahatam. Bəzi ölkələr sürətli şəkildə əhalinin vaksinasiyasını həyata keçirirlər, bəziləri isə vaksinin bir dozasını belə qəbul etməyib. Vaksin millətçiliyi böyük səhvdir”.

A. Quterreş qeyd edib ki, vaksinlərin inkişaf etməkdə olan ölkələrə paylanması məqsədi daşıyan COVAX təşəbbüsünün 22 milyard dollar həcmində maliyyə çatışmazlığı var.

O vurğulayıb ki, platforma əlavə olaraq bəzi ölkələrin koronavirus vaksininin ixracına tətbiq etdiyi məhdudiyyətlər səbəbi ilə tədarük problemləri ilə üzləşib. BMT Baş katibi qlobal tələbatı ödəmək üçün koronavirus vaksini istehsalçılarını istehsalı iki dəfə artırmağa və bu məqsədlə birgə fəaliyyət göstərməyə çağırıb. (APA)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

“Rusiya İrəvan üçün imtiyazlar yaratmağa çalışır” –

Sonrakı məqalə

“Kəlbəcərdə qarın altından Ermənistanın basdırdığı minlərlə mina çıxıb” –