Qapalı görüşlərdə ABŞ vitse-prezidenti J.D. Vens dəfələrlə Müharibə nazirliyi tərəfindən verilən məlumatları şübhə altına alıb.
Azpost.info bildirir ki, The Atlantic qəzetinin məlumatına görə, o, Pentaqonun Amerika raket ehtiyatlarının miqyasının kəskin azalması barədə məlumatların doğru verməməsindən şübhələnir.
İki yüksək vəzifəli administrasiya rəsmisi vitse-prezidentin Pentaqonun müharibə məlumatlarının doğruluğunu şübhə altına aldığını bildirib. O, həmçinin Trampla müzakirələr zamanı müəyyən raket sistemlərinin ehtiyatları ilə bağlı narahatlıqlarını dilə gətirib.
Həm müharibə naziri Pit Heqset, həm də Birləşmiş Qərargah Rəisləri Komitəsinin sədri general Den Keyn açıq şəkildə Amerikanın əhəmiyyətli silah ehtiyatlarının olduğunu iddia ediblər. Həmçinin səkkiz həftəlik döyüşlərdən sonra İran qüvvələrinin vurduğu ziyanı fəlakətli adlandırıblar. Anonimlik şərti ilə danışan Vensin müşavirləri vitse-prezidentin yalnız öz narahatlığını ifadə etdiyini bildiriblər. Vens Heqsetin və ya Keyninin ABŞ prezidentini yanıltmaqda ittiham etmir.
