Azərbaycan Mərkəzi Bankının 31 iyul 2026-cı il tarixinə olan məlumatlarına əsasən, iqtisadi rayonlar arasında xarici valyutada ən çox uzunmüddətli kredit qoyuluşu Bakı iqtisadi rayonunun payına düşüb.
Valyuta.az xəbər verir ki, Bakı iqtisadi rayonunda sərbəst dönərli valyutada (SDV) uzunmüddətli kredit qoyuluşunun həcmi 3 milyard 799 milyon 801 min manat, orta faiz dərəcəsi isə 5.81% təşkil edib.
Bu göstərici üzrə ikinci yerdə Abşeron-Xızı iqtisadi rayonu qərarlaşıb.
Regionda xarici valyutada uzunmüddətli kreditlərin həcmi 21 milyon 672 min manat, faiz dərəcəsi 6.99% olub.
Sonrakı yerlərdə Gəncə-Daşkəsən iqtisadi rayonu – 8 milyon 392 min manat (6.17%), Şirvan-Salyan iqtisadi rayonu – 6 milyon 523 min manat (7.58%), Şəki-Zaqatala iqtisadi rayonu – 4 milyon 810 min manat (5.63%) və Mil-Muğan iqtisadi rayonu – 4 milyon 301.3 min manat (5.00%) qərarlaşıb.
