Yaponiyanın əhalisi 2022-ci ildə təxminən 800 min azalaraq 122,42 milyon nəfərə düşüb.
Azpost.info xəbər verir ki, bu barədə Yaponiyanın Daxili İşlər və Rabitə Nazirliyi bildirib.
Ölkə əhalisinin sayı 14-cü ildir ki, azalır. Son illərdə isə azalma daha da sürətlənib.
2022-ci ildə Yaponiyada 1,56 milyon ölüm qeydə alınıb ki, bu da statistika tarixində rekord göstəricidir. Eyni zamanda doğulanların sayı ilk dəfə olaraq 800 mindən aşağı olub – 771 min.
Ötən il Yaponiyada 2023-cü ildə boş yaşayış binalarının sayının 10 milyona çatacağı bildirilmişdi.Bu da ilk növbədə ölkə əhalisinin sayının azalması ilə bağlıdır.
Azpost.info