Yay aylarında havaların istiləşməsi ilə əlaqədar insanlar daha çox maye qəbul etməyə çalışırlar. Lakin mütəxəssislər bildirirlər ki, bəzi hallarda düzgün olmayan maye qəbulu sağlamlıq problemlərinə səbəb ola bilər.
Azpost.info xəbər verir ki, terapevtlərin sözlərinə görə, bir çox insan susuzluğunu yalnız qazlı və şəkərli içkilərlə yatırmağa çalışır. Bu isə orqanizmdə maye balansını tam bərpa etmir və böyrəklərə əlavə yük yarada bilər.
Həkimlər qeyd edirlər ki, isti havalarda gün ərzində kifayət qədər su qəbul etmək, spirtli və həddindən artıq şəkərli içkilərdən uzaq durmaq vacibdir.
Mütəxəssislərin sözlərinə görə, susuzlaşmanın ilk əlamətləri arasında baş ağrısı, halsızlıq, diqqətin zəifləməsi və sidiyin tündləşməsi yer alır.
Həkim məsləhəti: Gün ərzində müntəzəm olaraq su için, susuzluq hissinin yaranmasını gözləməyin. Xüsusilə yaşlılar və uşaqlar isti havalarda daha diqqətli olmalıdırlar.
