Ukrayna prezidenti Vladimir Zelenski mayın 13-də Berlinə səfər edəcək.
Azpost.info xəbər verir ki, bu barədə “Der Tagesspiegel” məlumat yayıb.
Hüquq-mühafizə orqanları Ukrayna prezidentinin səfəri üçün hazırlıqlara başlayıb.
Zelenskinin təyyarəsi Berlinin BER hava limanının hərbi sektoruna enəcək. Ukrayna lideri “Ritz-Carlton”da qalacaq. Berlinin mərkəzində Potsdamer Platz ərazisində gücləndirilmiş təhlükəsizlik rejimi tətbiq edilib.
“Ukrayna prezidenti şübhəsiz ki, bütün dünyada təhlükə altında olan insanlardan biridir”, – səfərin planlaşdırılmasında iştirak edən polis zabitlərindən biri bildirib.
Məlumata görə, səfər zamanı sənədlərin yoxlanılması, snayperlərin və istehkamçı itlərin olması da daxil olmaqla gücləndirilmiş təhlükəsizlik tədbirləri görüləcək.
Azpost.info