Futbol üzrə Ukrayna milli komandasının sabiq kapitanı və məşqçisi Andrey Şevçenko Ukrayna liderinin ştatdankənar müşaviri vəzifəsinə təyin edilib.
Azpost.info bildirir ki, müvafiq sərəncamı ölkə prezidenti Vladimir Zelenski imzalayıb. Sənəd dövlət başçısının aparatının saytında dərc olunub.
Fərmanda Şevçenkonun hansı məsələlər üzrə müşavir olacağı göstərilməyib.
“Andrey Nikolayeviç Şevçenko Vladimir Zelenskinin müşaviri təyin edilsin (ştatdankənar),” -deyə sərəncamda deyilir.
Şevçenko 2016-2021-ci illərdə Ukrayna millisinin baş məşqçisi olub. Bundan əvvəl o, Kiyev “Dinamo”, İtaliyanın “Milan” və İngiltərənin “Çelsi” klubunun hücumçusu olub.
2004-cü ildə Andrey Şevçenko “Qızıl top”u qazanıb.
Azpost.info