İslam Əməkdaşlıq Təşkilatının (İƏT) nümayəndələri ilə görüşdə “Taliban” hökumətinin baş nazirin ikinci müavini Molla Əbdül Salam Hənəfi Əfqanıstan torpaqlarının digər ölkələr üçün təhlükə olmayacağını bir daha vurğulayıb.
Azpost.info “Khaama Press”ə istinadla xəbər verir ki, Müdafiə naziri vəzifəsini icra edən Mövləvi Yaqub Mücahid də İƏT baş katibinin Əfqanıstan üzrə nümayəndəsi Tariq Əli Baxit ilə görüşündə Kabilin Doha sazişinə sadiq qaldığını deyib.
Əvvəllər “Taliban” rəhbərliyi dəfələrlə Əfqanıstanın heç bir ölkəyə, o cümlədən ABŞ-a qarşı təhdid kimi istifadə edilmədiyini və istifadə olunmayacağını bəyan edərək, hökumətinin bu iddianı 2021-ci ilin avqustunda hakimiyyəti dövründən bəri sübut etdiyini bildirib.
Bununla belə, dünya liderləri, o cümlədən beynəlxalq ictimaiyyət “Taliban” rəhbərliyinin Doha razılaşmasını pozaraq, əfqan xalqını əsas hüquqlarından, o cümlədən təhsil, işləmək və ifadə azadlığından məhrum etdiyini dəfələrlə inkar edib.
SƏMLA
Azpost.info
