Salyan şəhərində yük maşını minibusla toqquşub.
Azpost.info bildirir ki, bu barədə yerli hüquq müdafiəçisi Emil Məmmədov bildirib.
Qəza Ələt-Astara yolunun Salyan şəhərindən keçən hissəsində baş verib. Yeni çəkilən yol üçün torpaq daşıyan yük maşınının sürücüsünün kobud səhvi nəticəsində “Şaqman” sərnişin daşıyan minibusla toqquşub.
Baş verən qəzada 9 nəfər xəsarət alıb. Xəsarət alanlardan 3 nəfəri yerli ASAN Xidmətin xanım əməkdaşlarıdır.
**
Salyan rayonunda baş verən qəza ilə əlaqədar Salyan Rayon Mərkəzi Xəstəxanasına 11 nəfər (2-si kişi, 9-u qadın olmaqla) yerləşdirilib. Müxtəlif növ bədən xəsarətləri alan şəxslər müvafiq şöbələrə yerləşdirilib, onlara zəruri tibbi xidmətlər göstərilib.
Vəziyyəti qənaətbəxş hesab olunan 9 nəfər ambulator müalicə üçün evə buraxılıb.
Hazırda tibb müəssisəsində 2 nəfərin müalicəsi davam etdirilir. 1-nin vəziyyəti kritik ağır, 1-nin vəziyyəti isə orta ağır qiymətləndirilir.
Azpost.info
