1990-cı illərn əvvələri Azərbaycan dövləti üçün ağır sınaqlar dövrü oldu. Ölkənin ərazi bütövlüyünün pozulamsı, Qarabağ davası və siyasi böhran Azərbaycanın gələcəyi üçün ciddi təhdidlər yaradırdı.
Azpost.info bildirir ki, 1992-ci ilin mayın 14-ü Azərbaycanda baş vermiş növbəti siyasi gərginliklə yadda qalıb. Həmin gün cəmi 2 ay əvvəl istefaya göndərilmiş sabiq prezident Ayaz Mütəllibov vəzifəsinə bərpa olunub. Ali Sovetin həmin gün çağırılmış fövqəladə sessiyası A.Mütəllibovun geri dönüşünü təmin edib.
Qeyd edək ki, Xocalı soyqırımından sonra ölkəni bürümüş dövlət böhranı mart ayının 5-də Ayaz Mütəllibovun istefaya getməsi ilə nəticələndi. Onu Xocalı qırğınının qarşısını ala bilməməkdə və siyasi idarəçilikdə səhvlərdə ittiham etdilər.
Martın 25-də Azərbaycanda növbəti prezident seçkiləri elan edildi. Bu iki aylıq dönəmdə Ali Sovetin sədri Yaqub Məmmədov prezident səlahiyyətlərinin icrasıçı oldu.
May ayında baş qaldıran növbəti siyasi gərginlik yenidən artan dalğa ilə getdi və mayın 8-də Şuşanın işğalı ilə kəskinləşdi. Bunun fonunda sabiq prezidentin yenidən vəzifəsinə bərpa olunması üçün kampaniya başlandı. Nəticədə 1992-ci ilin mayın 14-də Ayaz Mütəllibov prezident kürsüsünə qayıtdı.
“Youtube”da Ali Sovetin həmin iclasının gedişatı ilə bağlı unikal görüntülər yayımlanıb. O zaman populyar proqram olan “215 KL” studiyası tərəfindən lentə alınan bu görünütlər o dövürn maraqlı və gərgin tablosunu göstərir.
Kadrlarda iclas salonundakı gərginlik, deputatların çıxışı var. Burada o dövrün siyasi həyatında tanınan xeyli şəxsi görmək mümkündür.
Vəzifəsinə qayıdan Ayaz Mütəllibovun çıxışı zamanı bildirir ki, SSRİ dağılandan sonra dünyada yeni geosiyasi vəziyyət yaranıb. O deputatlara deyir ki, səhvlərini başa düşüb və birgə işləmək üçün hamıya çağıırş edir.
Qeyd edək ki, Ayaz Mütəllibovun prezident postuna qayıtması cəmi bir gün çəkib. Mayın 15-də Azərbaycan Xalq Cəbhəsi onun qayıdışını konstitutsiyaya zidd elan edib və Ali Sovetin binasına doğru çoxminli dinc kütləvi etiraz aksiyası təşkil edib. Nəticədə Ayaz Mütəllibov vəzifəsini tərk edərək Moskvaya getməli oldu.
20 ilə yaxın Rusiyada yaşayan Ayaz Mütəllibov daha sonra Azərbaycana qayıdıb. Milli Məclisdə qəbul olunan “eks-prezidentlər” haqqında qanuna uyğun olaraq status alıb. Ayaz Mütəllibov 2022-ci il martın 27-də Bakıda vəfat edib.
Fəxri Xiyabanda dəfn edilib.
Azpost.info
