Gənc araşdırmaçı Yusif İsmayıl Azərbaycan Xalq Cümhuriyyətinin qurucusu olan Məhəmməd Əmin Rəsulzadə ilə bağlı nadir foto paylaşıb.
AzPost bildirir ki, araşdırmaçı bu fotonu Polşa arxivlərində tapıb.
92 il əvvəl -1932-ci ildə çəkilmiş fotoda M.Rəsulzadə Səudiyyə Ərəbistanı kralı Feysəllə bir yerdə əks olunub.
1932-ci ildə Polşaya rəsmi səfərə gələn Hicaz və Nəcd krallığının vəliəhdi Feysəl ibn Əbdüləziz Əl Səud Varşavadakı Şərq İnstitutunun qonağı olub.
Fotoda Sağdan: 1-ci Feysəl, 2-ci Tadeuş Şetsel, 3-cü vəliəhdin yavəri Xalid əl-Acubi, 4-cü Məhəmməd Əmin Rəsulzadə, 5-ci Məhəmməd Girey Sunş və 6-cı Mustafa bəy Vəkillidir. (Vəkiloğlu)
