Ukrayna
2022-ci ildə genişmiqyaslı işğalın başlanmasından bəri Rusiya qoşunları Ukraynada 50 keşişi öldürüb və 700-ə yaxın kilsəni dağıdıb.
Azpost.info bildirir ki, bu barədə Prezident Zelenski CBN telekanalına müsahibəsində bildirib.
“Ruslar müxtəlif Ukrayna kilsələrinə az qala məktəb kimi yanaşırlar. Yəni bizim ərazilərimizə hara daxil oldularsa, məktəbləri, kilsələri dağıtdılar. Heç bir iz qalmasın deyə… Buna görə də çoxlu keşiş əsir götürüldü və ya öldürüldü. Yeri gəlmişkən, ruslar müxtlif üsullarla 50 ruhani öldürüblər”, – deyə Ukrayna prezidenti bildirib.
Zelenskinin sözlərinə görə, bəzi keşişlərə işgəncə verilib. “Onlara necə işgəncə verdiklərinə dair bütün sübutlar var. Niyə onlara işgəncə verdilər? Yalnız ona görə ki, onlar Patriarx Kirilə və onların kilsəsinə xidmət etməli idilər, keşiş isə insanlara və Allaha xidmət edir”, – Zelenski bildirib.
O, həmçinin əlavə edib ki, işğal zamanı rus qoşunları Ukraynada 700 kilsəni dağıdıb.
