SSRİ-dən qalma sonuncu “Soyuz” kosmosa göndərildi. Soyuz-2.1v raketinin sonuncu buraxılışı bir gün əvvəl Plesetsk kosmodromundan həyata keçirilib.
AzPost RİA Novosti-yə istinadən xəbər verir ki, bu model artıq istifadə edilməyəcək.
“Soyuz-2.1v” raketi “Soyuz-2.1b” modeli əsasında yaradılıb. Dizayn dörd yan blokun olmaması və RD-108A əvəzinə NK-33 mühərrikinin istifadəsini nəzərdə tutur. NK-33 mühərrikləri hələ 1960-cı illərdə N-1 super-ağır raket üçün hazırlanıb və heç vaxt seriyalı istehsala buraxılmayıb. Bu mühərriklərin kiçik bir ehtiyatı qorunub saxlanılıb və 21-ci əsrdə onlardan Soyuz-2.1v istehsalı üçün istifadə etmək qərara alınıb.
Bu raketin ilk buraxılışı 28 dekabr 2013-cü ildə baş tutub. Cəmi 13 buraxılış olub və onların hamısı Arxangelsk vilayətində yerləşən Plesetsk kosmodromundan həyata keçirilib.
SSRİ-dən qalma sonuncu “Soyuz” kosmosa göndərildi.
İndi “Soyuz-2.1v” daşıma qabiliyyətinə görə oxşar xüsusiyyətlərə malik “Anqara-1.2” raketi ilə əvəzlənir.
Paralel olaraq RS-18B Stiletto qitələrarası ballistik raketi əsasında Rokot-M raketinin yeni versiyasının və Topol ballistik raketi əsasında Start-1M raketlərinin yaradılması da planlaşdırılır. Yeni layihələr Vostoçnı Kosmodromundan istifadə üçün nəzərdə tutulub.
