qara canavar
Polşada meşəlik ərazidə nadir qara canavar kameralara düşüb. AzPost CNN-nə istinadla xəbər verir ki, bu barədə “SAVE Wildlife Conservation” Fondunun Polşadakı layihə koordinatoru Joanna Toczydlovska məlumat verib.
Mütəxəssis qunduzları izləmək üçün kamera qurub. Lakin axar sudan keçən qara canavar onun qurduğu kameralara düşüb.
Polşada 13 ildir canavarları öyrənən təbiəti mühafizə qrupu heyvanları brakonyerlərdən qorumaq üçün meşənin dəqiq yerini açıqlamır.
CNN-in məlumatına görə, Polşadakı 2500-3000 canavarın əksəriyyəti boz rəngdədir. Qara rəng, ehtimal ki, minlərlə il əvvəl əhliləşdirilmiş itlərdə baş vermiş genetik mutasiya ilə əlaqədardır.
Əlavə olaraq oxu:
Canavarın uzunluğu 105–160 sm. Quyruğunun uzunluğu 29–50sm. Quruluşu mütənasibdir. Beli bir qədər enişlidir, yalından sonra. Əzaları nisbətən hündür və güclüdür. Mülayim uzantılı, küt burunlu, enli almacıq sümüklü böyük başı var. Xırda gözləri aralı yerləşir. Qulaqları üçbucaq formasındadır, kiçikdirlər, geniş yerləşmişlər. Tüklü quyruğu tullanma əyləminə çatır. Tük örtüyü qışda hündür, sıx, ama sərtdir.
Müxtəlif yerlərdə, tundrada, meşələrdə, çöldə və səhraların qıraqlarında yaşayırlar. 3–4 min metr dəniz səviyyəsindən yuxarı da rast gəlmək olar. Adətən təkliklə, cütlərlə və ailə qruplarında birləşirlər. Nadir hallarda sürü şəklində və köçəri həyat sürürlər.
