Süni intellekt getdikcə genişlənir və onun köməyi ilə fırıldaqçılar insanları aldadaraq çoxlu pul qazanırlar.
AzPost xarici mediaya istinadla xəbər verir ki, Şanxaydan olan Liu adlı oğlan internetdə bir qızla tanış olub və onunla romantik “münasibət” qurub. Bir neçə ay ərzində o, bu qıza 27.000 dollar (200.000 Çin yuanı) xərcləyib.
O, “sevgilisinə” öz biznesini açmaq arzusunu həyata keçirməyə kömək edir və onun ağır xəstə qohumunun müalicə xərclərini ödəyir.
Liu “sevgilisindən” onun küçələrdə gəzdiyini və müxtəlif işlər gördüyünü əks etdirən videolar, həmçinin qohumlarının diaqnoz və müalicəsini təsdiqləyən tibbi sənədlər alıb. Buna görə də, qızın tamamilə real olduğuna şübhə etmir. 
Oğlan AI tərəfindən yaradılan qıza aşiq olur
Ancaq məlum olur ki, “qız” əslində yoxdur və o, süni intellekt vasitəsilə idarə olunur. Bütün sənədlər, xüsusən də şəxsiyyət vəsiqəsi, ailənin tibbi arayışları və qəbzləri fırıldaqçılar tərəfindən hazırlanıb.
Bir neçə aydan sonra Liu nəyinsə səhv olduğundan şübhələnməyə başlaylr və real görüşdə israr edir. Görüş baş tutmayandan sonra o, polisə müraciət edir. 
Liu aylar ərzində əsl qızla danışdığına əmin idi
İstintaq zamanı məlum olub ki, oğlan bir neçə fotoşəkili birləşdirərək süni intellektin köməyi ilə yaradılmış video və fotolar göndərən bütöv bir dəstə ilə danışırmış.
