Cənub-Şərqi Asiya ölkəsi Myanmada 7,7 bal gücündə zəlzələ baş verib.
Ölkə.az xarici KİV-ə istinadla xəbər verir ki, ABŞ Geoloji Xidmətinin (USGS) məlumatına görə, Myanmanın paytaxtı Nepidodan şimalda, Saqainq bölgəsindən təxminən 16 kilometr şimal-qərbdə 7,7 və 6,4 bal gücündə ardıcıl iki təkan qeydə alınıb.
Zəlzələ Çinin cənub-qərbində və Taylandda da hiss olunub. Hələlik can və mal itkisi ilə bağlı rəsmi qurumlardan heç bir açıqlama verilməyib. Lakin Tailand mətbuatında əks olunan görüntülərdə paytaxt Banqkokda bəzi hündürmərtəbəli binaların uçduğu görünür.
