Bu, “Meta”nın sosial mediada yeniyetmələri qorumaq üçün daha böyük təşəbbüsünün yalnız bir hissəsidir.
“Meta” azyaşlı “Instagram” istifadəçilərinin müdafiəsini gücləndirmək üçün tədbirlər təqdim edir.
Lent.az xarici KİV-ə istinadla bildirir ki, 16 yaşdan kiçik yeniyetmələr valideyn icazəsi olmadan həssas məzmunu yayımlaya və ya baxa bilməyəcəklər.
Təfərrüatlar
Potensial təhlükəli məzmunun yayımlanması və baxılması ilə bağlı yeni qaydalar bir neçə ay ərzində qüvvəyə minəcək. Məhdudiyyətlər “Meta”nın sosial mediada yeniyetmələri qorumaq üçün daha geniş təşəbbüsünün bir hissəsidir.
Şirkət həmçinin “Facebook” və “Messenger”də eyni avtomatik məhdudiyyətlərlə yeniyetmə hesablarının istifadəyə verildiyini elan edib – uyğun olmayan məzmunu və kontaktları bloklamaq, həmçinin yeniyetmələrin proqramlarda vaxtlarını ağıllı şəkildə istifadə etmələrinə kömək etmək üçün alətlər.
Yeniyetmə “Facebook” və “Messenger” hesabları əvvəlcə ABŞ, Böyük Britaniya, Avstraliya və Kanadada əlçatan olacaq, funksionallıq daha sonra digər bölgələrə yayılacaq.
