YouTube platformasında 1987-ci ilin oktyabrında Moskvada keçirilimiş Azərbaycan SSR günləri ilə bağlı kinoxronika yayımlanıb.
AzPost bildirir ki, jurnalist Ş Sabiroğlunun kanalında yayımlanan görüntülərdə Moskvaya səfər etmiş nümayəndə heyəti əks edilib.
İştirakçılar arasında çoxlu sayda tanınmış şəxsləri görmək olur.
Bu kadrlarda Azərbaycan SSR Kommunist Partiyasının 1-ci katibi Kamran Bağırovu, Ali Sovetin sədri Süleyman Tatlıyevi, Nazirlər Sovetinin sədri Ayaz Mütəllibovu, Mərkəzi Komitənin ideoloji şöbəsinin rəhbəri Ramiz Mehdiyev var.
Həmçinin mədəniyyət və incəsənət xadimləri də təqdimata qatılıblar. Kinorejissor Rasim Ocaqovun yeni filminin təqdimatı keçirilib.
Bu mərasimdən cəmi 3 ay sonra -1988-ci ilin fevralında Azərbaycanda Dağlıq Qarabağ ermənilərinin separatçı hərəkatı başlandı. Bu dalğa kinokadrlarda olan siyasi elitanı hakimiyyətdən atdı. Azərbaycanı 30 il davam edəcək qanlı savaşa apardı.
