Tramp
ABŞ Prezidenti Donald Tramp bu il avqustun 1-dən qüvvəyə minəcək şəkildə əlavə 6 ölkəyə ticarət tariflərinin tətbiqini açıqlayıb. AzPost xəbər verir ki, yeni tariflərin faizi 20-dən 30-a qədər dəyişəcək.
Siyahıda Filippinə 20%, Moldova və Bruneyə 25%, Əlcəzair, Liviya və İraqa isə 30% tarif tətbiq ediləcək. Ağ Evdən göndərilən məktublarda bildirilir ki, ABŞ bu ölkələrin şirkətləri ABŞ-da istehsal müəssisələri açdıqları təqdirdə onlara tətbiq olunan tariflərdən imtina etməyə hazırdır.
Daha əvvəl Tramp Yaponiya və Cənubi Koreyadan idxal olunan bütün mallara 25% rüsum tətbiq etdiyini sosial şəbəkədə təsdiqləmişdi. Həmçinin, BRİKS ölkələrinə 10% rüsum tətbiq etmək planları da açıqlanıb.
Ağ Evin mətbuat katibi Caroline Leavittin sözlərinə görə, Tramp yaxın zamanda daha 12 ştat rəhbərinə tariflərlə bağlı məktublar göndərəcək.
