Son illər populyarlaşan və orqanizmi “şlak və toksinlərdən təmizlədiyini” iddia edən detoks proqramlarının əksəriyyəti elmi əsasdan çox marketinq məqsədi daşıyır. Mütəxəssislər bildirir ki, insan bədəni özü-özünü təmizləyə bilən mükəmməl bir sistemdir və bunun üçün ekstremal pəhrizlərə və bahalı prosedurlara ehtiyac yoxdur.
AzPost xəbər verir ki, bu barədə aif.ru-ya ali kateqoriyalı həkim-terapevt Olqa Aleksandrova məlumat verib.
Onun sözlərinə görə, orqanizmdə detoksikasiya prosesləri fasiləsiz şəkildə gedir və bu prosesdə qaraciyər, böyrəklər, bağırsaqlar, ağciyərlər və dəri əsas rol oynayır. Qaraciyər bədənin əsas “filtri” hesab olunur və toksinləri əvvəlcə zərərsizləşdirir, daha sonra isə onların orqanizmdən xaric olunmasına hazırlayır.
“Sehrli vasitələr axtarmaqdansa, orqanizmin təbii təmizlənmə mexanizmlərini dəstəkləmək daha doğrudur. Bunun üçün sadə və elmi əsaslı qaydalara əməl etmək kifayətdir”, – deyə həkim vurğulayıb.
Olqa Aleksandrova sağlam “təmizlənmə” üçün 7 əsas tövsiyə verib:
Toksinlərin qəbulunu azaldın. Yarımfabrikatlar, konservantlı və süni boyalı məhsullar, spirtli içkilər və artıq kofein istifadəsini məhdudlaşdırın.
Daha sağlam bişirmə üsullarına üstünlük verin. Qızartma əvəzinə buğda bişirmə, sobada bişirmə və ya pörtlətmə tövsiyə olunur.
Qida liflərini artırın. Tərəvəzlər, meyvələr, dənli bitkilər və paxlalılar bağırsaqların sağlamlığı üçün vacibdir. Gün ərzində 5–6 porsiya lifli qida qəbul etmək faydalıdır.
Ət və şəkər qəbuluna nəzarət edin. Əti həftədə 2–3 dəfə yemək kifayətdir. Şəkərin normadan artıq qəbulu detoks proseslərini zəiflədir və orqanizmin daha tez qocalmasına səbəb olur.
Yetərli miqdarda maye qəbul edin. Gün ərzində azı 2 litr su içmək məsləhətdir. Suyun böyük hissəsini günün birinci yarısında qəbul etmək daha faydalıdır. Səhəri limonlu su ilə başlamaq, həmçinin tərəvəz şirələri və bitki çayları içmək tövsiyə olunur.
🔹 Hərəkətdə olun və düzgün nəfəs alın. Fiziki aktivlik qan və limfa dövranını yaxşılaşdırır, dərin nəfəs isə ağciyərlərin toksinləri xaric etməsinə kömək edir.
🔹 Hamam və ya saunadan istifadə edin (əks göstəriş yoxdursa). Bu, dəridən təmizlənmə prosesini aktivləşdirir. Kontrast duş isə orqanizmi tonusda saxlayır.
Mütəxəssis vətəndaşları aqressiv reklam olunan “orqanizm təmizləyici” vasitələrə etibar etməməyə çağırıb və sağlam həyat tərzinin ən effektiv detoks üsulu olduğunu bildirib.
