Rusiyanın Xalq Təsərrüfatı Akademiyasının (RANXİGS) Kapital Tikinti İdarəsinin sabiq rəisi iki dəfə rüşvət almaqda təqsirli bilinərək məhkum olunub. AzPost Rusiya mətbuatına istinadla xəbər verir ki, sabiq vəzifəli şəxs 8 il müddətinə azadlıqdan məhrum edilib və 45 milyon rubl məbləğində cərimə olunub.
Məhkəmənin qərarına əsasən, o, həmçinin dövlət orqanlarında təşkilati-idarəetmə və inzibati-təsərrüfat funksiyaları ilə bağlı vəzifələr tutmaq hüququndan 9 il müddətinə məhrum edilib.
Bundan başqa, məhkəmə hökmü ilə təqsirləndirilən şəxsdən dövlət gəliri üçün təxminən 37,5 milyon rubl vəsait müsadirə edilib.
