ABŞ ordusu Arktikada Rusiya və Çinlə potensial hərbi münaqişə üçün hazırlığa başlayıb.
Azpost.info xəbər verir ki, bu barədə “Business Insider” yazır.
Nəşrin məlumatına görə, fevral ayında Alyaskada Birgə Sakit Okean Çoxmillətli Hazırlıq Mərkəzində iki həftəlik təlim keçirilib və bu təlimdə 11-ci Hava Desant Diviziyasının 8 mindən çox hərbi qulluqçusu, eləcə də ABŞ-a müttəfiq olan digər ölkələrin nümayəndələri iştirak ediblər.
İştirakçılar ABŞ-ın regiondakı düşmənlərinin qarşısını almaq üçün ekstremal şəraitdə döyüş hazırlığının bərpasının vacibliyini qeyd ediblər.
“Həddindən artıq soyuq şəraitdə Arktikadakı missiyanın olması ordumuz, millətimiz və həmçinin düşmənlərimiz üçün vacibdir”, – polkovnik Şon Lukas deyib.
Əsgərlərlə bərabər hərbi həkimlər də təlim keçiblər. “Mən 13 ildir həkiməm və bu, şübhəsiz ki, indiyə qədər yaşadığım ən çətin mühitdir. Həddindən artıq aşağı temperatur xəstələrə qulluq etmək və əsgərləri təxliyə etmək üçün çətinliklər yaradır”, – serjant Zaxari Burns bildirib.
ABŞ Konqresi daha əvvəl bəyan etmişdi ki, Arktika Rusiya ilə yeni münaqişə mərkəzinə çevrilə bilər.
NATO regionda Rusiya və Çin arasında əməkdaşlığın artırılmasından narahatlığını ifadə edib, lakin Arktikanın yaxın zamanlarda qaynar nöqtəyə çevrilməyəcəyini qeyd edib.
Azpost.info
