ABŞ Avropada 60 min əsgər, 200 tank və 150 döyüş təyyarəsindən ibarət qruplaşma yaradıb.
Azpost.info xarici mətbuata istinadən xəbər verir ki, bu rəqəmləri “Rossiyskaya qazeta”ya müsahibəsində Rusiya Federasiyası Təhlükəsizlik Şurası katibinin müavini Mixail Popov açıqlayıb.
Onun sözlərinə görə, son 7 ildə ABŞ-ın Avropadakı quru qoşunlarının sayı 30 faiz, zirehli texnikanın sayı 4 dəfə artıb. Bundan başqa, taktiki nüvə silahları istifadəyə hazır vəziyyətdə saxlanılır və ABŞ-ın qlobal raketdən müdafiə sisteminin Avropa seqmentinin imkanları
genişləndirilir.
“ABŞ-ın Avropada əsas məqsədi ölkəmizə daimi təhlükə yaratmaqdır. 2014-cü ildən Pentaqon hər il anti-Rusiya proqramını həyata keçirir. Və “Avropada təcavüzün qarşısının alınması” adı altında ABŞ hərbi büdcəsindən 4-5 milyard dollar xərclənir”, – Popov bildirib.
Azpost.info