ABŞ senatorlarından ibarət qrup İsrail rəsmilərinin həbsinə order verilməsini tələb etmək qərarından sonra BCM rəsmilərinə maliyyə sanksiyaları və viza qadağası təklif edib.
Azpost.info xəbər verir ki, qətnamənin mətnini “Fox News” yayıb.
Qətnamə müəllifləri prezident Co Bayden və Konqresə ABŞ-ın maraqlarını təhdid edən və müttəfiqlərini zəiflədən səlahiyyətlərdən sui-istifadə etdiklərinə görə BCM rəsmilərinə maliyyə sanksiyaları və viza qadağaları tətbiq etməyi tövsiyə edir.
Təşəbbüsün müəllifləri senatorlar respublikaçı Mark Raunds və demokrat Co Mançindir.
Qətnamədə bildirilir ki, Senat İsraili dəstəkləyir və Beynəlxalq Cinayət Məhkəməsinin İsrailin yüksək vəzifəli məmurlarına qarşı hərəkətlərini tamamilə rədd edir.
Azpost.info
