“Hökumətin hesabatında 20 min yeni iş yerinin açıldığı bildirilib. Bu rəqəm çox azdır”.
Azpost.info bildirir ki, bu sözləri Milli Məclisin bu gün keçirilən iclasında Nazirlər Kabinetinin 2021-ci ildə fəaliyyəti haqqında hesabatının müzakirəsi zamanı deputat Qüdrət Həsənquliyev deyib.
Deputat bildirib ki, bu bizi qane edə bilməz: “Ərzaq məhsullarının inflyasiyası da 8%-dən çoxdur. Rusiyada baş verənlər səbəbindən xaricdən pul göndərilməsində axsamalar olacaq. Bu isə əhalinin müəyyən sosial problemlərlə üzləşməsinə səbəb ola bilər”.
Q. Həsənquliyev deyib ki, 2021-ci ildə respublikanın sənaye sektoruna 7 milyarddan çox, qeyri-neft sektoruna isə 1 milyarddan çox vəsait qoyulub: “Bu çox kiçik rəqəmdir”-deyə deputat vurğulayıb.
